«Real» rahbariyati «Manchester Yunayted» darvozaboni David de Xea bilan shaxsiy shartnoma borasida kelishib oldi.
Marca xabariga ko‘ra, ispaniyalik futbolchi Madridga ko‘chib o‘tish uchun ish haqining kamaytirilishiga rozi bo‘lgan. Ayni paytda u «MYU» klubida 12 mln yevro maosh olmoqda.
De Xea «Real»ga o‘tish istagi haqida klub rahbariyatini xabardor qilgan va muzokara boshlashni so‘ragan. Agar futbolchi Madridga ketadigan bo‘lsa, bosh murabbiy Joze Mourinyo «Man Siti» darvozaboni Jo Hartni taklif qilishni rejalashtirmoqda.
De Xeaning «Manchester Yunayted» bilan imzolagan shartnomasi 2019 yilda yakuniga yetadi.
