«Manchester Siti» Pep Gvardiola sharafiga bag‘ishlangan cheklangan miqdordagi futbolkalarni chiqardi. Kecha Manchester klubi ispaniyalik mutaxassisning bosh murabbiylik lavozimini tark etishini e’lon qildi.
«Shaharliklar» Pepning tasviri va «O‘yinni o‘zgartirgan va tarix yozgan inson — abadiy «Siti» bilan» degan yozuv tushirilgan qora rangli futbolkani namoyish qilishdi. O‘yin formasi ko‘rinishidagi boshqa bir libosning orqa qismidagi 10-raqam ichiga murabbiyning suratlari joylashtirilgan.
Gvardiola 2016 yildan beri «Manchester Siti»ni boshqarib kelmoqda. Uning qo‘l ostida jamoa 20 ta sovrinni qo‘lga kiritdi.
