«Real» himoyachisi Serxio Ramos «El Klasiko»dan oldin bosh hakam Alexandro Ernandesga sovg‘a berganlikda gumonlandi.
«Barselona» muxlislari himoyachini o‘yindan oldin bosh hakamga «Real» futbolchilarining dastxati tushirilgan futbolkalarni sovg‘a qilganlikda aybladi.
Ammo La Vanguardia xabariga ko‘ra, aslida Ramos Ernandes orqali Lansarot orolidagi tanishi - "Sans Beach" mehmonxonasi xo‘jayiniga sovg‘a berib yuborgan. Bu esa o‘yin paytida ham o‘z isbotini topdi. Bosh hakam Ramosning 78-daqiqadagi qo‘polligini kechirib o‘tirmadi va uni maydondan chetlatdi.
