Myunxenning «Bavariya» klubi vingeri Maykl Olise Madridning «Real» klubiga o‘tishga tayyor. Bu haqda ispaniyalik jurnalist Ramon Alvares de Mon ma’lum qildi.

«Olise «Real» unga qiziqish bildirayotganidan xabardor. Takrorlayman, to‘g‘ridan-to‘g‘rimi yoki bilvosita, vositachilar orqalimi — bunisini bilmayman, lekin u bundan xabardor. Va Olise «Real»ga o‘tish g‘oyasiga ochiq», — deb yozdi Alvares o‘zining ijtimoiy tarmoqlardagi sahifasida.

Yaqinda matbuotda «qaymoqranglilar» fransiyalik futbolchi uchun 150 million yevro taklif qilish niyatida ekani haqida xabarlar tarqalgan edi.

O‘tgan mavsumda 24 yoshli Olise barcha turnirlarda 52 ta uchrashuvda maydonga tushib, 22 ta gol va 31 ta golli uzatmani o‘z hisobiga yozdirib qo‘ydi. «Bavariya» vingeri Bundesliganing eng yaxshi futbolchisi deb topildi.