Eron milliy terma jamoasi uchun Jahon chempionati — 2026 oldidan rasmiy kuzatish marosimi bo‘lib o‘tdi. Euronews nashrining xabar berishicha, tadbir Tehronda tashkil etilgan va unda juda ko‘p sonli muxlislar jam bo‘lgan.
Marosim davomida milliy terma jamoaning jahon birinchiligi uchun mo‘ljallangan yangi libosi (formasi) taqdimot qilindi. Shuningdek, tadbirda antiamerikacha shiorlar ham yangradi.
Bundan oldinroq, Eron terma jamoasi jahon chempionatining guruh bosqichidagi barcha o‘yinlarini o‘tkazadigan AQSHga kirish uchun viza olishga muvaffaq bo‘lgani haqida xabarlar berilgan edi.
Eslatib o‘tamiz, eronliklar mundialda Belgiya, Misr va Yangi Zelandiya terma jamoalari bilan bir guruhdan joy olgan. Bir yo‘la uchta mamlakat mezbonlik qiladigan ushbu turnir kelasi haftada start oladi.
