Oliy liganing 8-turi doirasida "Paxtakor" o‘z maydonida peshqadamlar safida borayotgan "Navbahor"ni qabul qildi.

Birinchi bo‘lim tengkurashlar ostida o‘tdi, ammo jamoalarga darvozani ishg‘ol qilish nasib etmadi. Ikkinchi taymda esa paxtakorchilar bosimni oshirishdi. Namanganliklar ishonchli himoyalanib, o‘yinda 1 ochkoni qo‘lga kiritishga yaqin turishgandi. Biroq bahs tugashiga 2 daqiqa qolganida G‘iyos Komilov o‘z darvozasini ishg‘ol qilib qo‘ydi. Kozak chap qanotdan yetkazgan uzatmani Mehmonov qaytarishga urindi, ammo to‘p uning oyog‘iga tegmay qoldi. Buni kutmagan Komilov muvaffaqiyatsiz harakat qilib, to‘pni o‘z darvozasiga burib yubordi.

Shu tariqa, ketma-ket 2ta o‘yindagi mag‘lubiyatdan keyin "Paxtakor" g‘alabani qo‘lga kiritdi. Toshkentliklar o‘z ochkolarini 10taga yetkazib, jadvalda 8-o‘ringa ko‘tarilib oldi.

Oliy liga, 8-tur
"PAXTAKOR" - "NAVBAHOR" 1:0
Gol: G‘iyos Komilov (88-avtogol)
"Paxtakor": 16. Shoxruh Raimov, 4. Adnan Oraxovas, 5. Akbar Ismatullayev, 7. Azim Ahmedov, 8. Sherzod Karimov (Suxrob Nurullayev 76), 10. Jamshid Iskanderov, 28. Stanislav Andreev, 29. Vladimir Kozak, 30. Yurisa Bulyat, 34. Xushnud Avilov, 55. Jasur Hakimov (Igor Sergeev 56).
"Navbahor": 30. Asilbek Amonov, 5. G‘iyos Komilov, 7. Oybek Qilichev, 9. Dilshod Jabborov, 10. Mansur Saidov (Tohir Shamsiddinov 73), 19. Mirzohid G‘ofurov, 21. A’zam Aliyev, 32. Jahongir Mehmonov, 44. Darko Stanoyevich, 77. Aziz Turg‘unboyev (Alisher Samatov 58), 84. Nemanya Yovanovich.