Олий лиганинг 8-тури доирасида "Пахтакор" ўз майдонида пешқадамлар сафида бораётган "Навбаҳор"ни қабул қилди.

Биринчи бўлим тенгкурашлар остида ўтди, аммо жамоаларга дарвозани ишғол қилиш насиб этмади. Иккинчи таймда эса пахтакорчилар босимни оширишди. Наманганликлар ишончли ҳимояланиб, ўйинда 1 очкони қўлга киритишга яқин туришганди. Бироқ баҳс тугашига 2 дақиқа қолганида Ғиёс Комилов ўз дарвозасини ишғол қилиб қўйди. Козак чап қанотдан етказган узатмани Меҳмонов қайтаришга уринди, аммо тўп унинг оёғига тегмай қолди. Буни кутмаган Комилов муваффақиятсиз ҳаракат қилиб, тўпни ўз дарвозасига буриб юборди.

Шу тариқа, кетма-кет 2та ўйиндаги мағлубиятдан кейин "Пахтакор" ғалабани қўлга киритди. Тошкентликлар ўз очколарини 10тага етказиб, жадвалда 8-ўринга кўтарилиб олди.

Олий лига, 8-тур
"ПАХТАКОР" - "НАВБАҲОР" 1:0
Гол: Ғиёс Комилов (88-автогол)
"Пахтакор": 16. Шохруҳ Раимов, 4. Аднан Ораховац, 5. Акбар Исматуллаев, 7. Азим Аҳмедов, 8. Шерзод Каримов (Сухроб Нуруллаев 76), 10. Жамшид Искандеров, 28. Станислав Андреев, 29. Владимир Козак, 30. Юрица Булят, 34. Хушнуд Авилов, 55. Жасур Ҳакимов (Игорь Сергеев 56).
"Навбаҳор": 30. Асилбек Амонов, 5. Ғиёс Комилов, 7. Ойбек Қиличев, 9. Дилшод Жабборов, 10. Мансур Саидов (Тоҳир Шамсиддинов 73), 19. Мирзоҳид Ғофуров, 21. Аъзам Алиев, 32. Жаҳонгир Меҳмонов, 44. Дарко Станоевич, 77. Азиз Турғунбоев (Алишер Саматов 58), 84. Неманья Йованович.