Yoshlar ligasining 8-turida «Sho‘rtan» - «Qo‘qon-1912» o‘yini o‘tkazildi.

G‘uzorda “Sho‘rtan” o‘rinbosarlariga qarshi maydonga tushgan Muhsin Nizomiddinov boshchiligidagi qo‘qonliklar raqib bilan murosa yo‘lini tanladi.
3-daqiqada mezbonlar dastlabki xavfli vaziyatni yaratishdi. “Sho‘rtan” futbolchisi birga-bir vaziyatdan foydalana olmadi. 15-daqiqada Ramzbek Isaqov uzoqdan kuchli zarba yo‘lladi. Biroz yuqoridan ketdi.
18-daqiqada Yusuf Bo‘riyevning zarbasini darvoza ustuni qaytardi. Himoyachilar zarba berishga imkon berishdi.
31-daqiqada Ismoil Oxunjonov mehmonlarni yaqqol goldan saqlab qoldi. Darvozabondan ham o‘tib ketgan to‘pni Ismoil darvoza chizig‘idan maydon tashqarisiga chiqarib yubordi. 37-daqiqada darvoza to‘sini mehmonlarni muqarrar goldan saqlab qoldi. Birinchi bo‘lim shu hisobda intiho topdi.

Mehmonlar ikkinchi taymni faol boshlashdi. 64-daqiqada hujumga otlangan Doston Meliqo‘ziyev himoyachilar qurshovida qolib ketdi. Oradan uch daqiqa o‘tib, mehmonlar ketma-ket xavfli hujumlar uyushtirishdi. G‘uzorliklar to‘liq tarkibda himoyaga o‘tib oldi. Ikkinchi bo‘limda har ikki jamoa harchand urinmasin, raqib darvozasini ishg‘ol etish hech kimga nasib etmadi.

Yoshlar ligasi, 8-tur
«Sho‘rtan» – «Qo‘qon-1912» - 0:0
“Sho‘rtan”: 16.Akmal Rahimov 4.Mirmuhsin Sattorov 6.Akrom Bahromov 7.YUsuf Bo‘riyev 8. Shoxjaxon Ma’rufov 9.Islom Shodmonov 14.SHerzod Temirov 19.Laziz Ubaydullayev 20.SHaxzodbek Xursanov (S) 23. Nurali Padarov 25.SHamsiddin Sagdullayev
Zaxira: 1.Nurbek Bozorov 5.SHerbek Eshmurodov 11.Islom Boysariyev 15. Rustam Haydarov 17.Og‘abek Erkinov 18.Bahrom Ro‘ziy 29.SHahboz Jo‘rayev.
"Qo‘qon-1912": 30. Islom Abdullayev 7.Ramzbek Isaqov 15. Ibrohim Ahmadjonov 19.Doston Meliqo‘ziyev 20. Mo‘minjon Sodiqjonov 25.Ismoil Oxunjonov 29.Iqbol malikjonov 70.Baxtiyor Abdubannonov 75.Ma’mur Rahimov 90.Avazxon Mamatxo‘jayev 99.SHahzod Ergashev
Zaxira: 12.Aziz Ashurov 4.Xasanjon Nurmatov 5. Muxsinjon Baratov 9.Ibrohim Usmonov 10. Ibrohim Muxtorov 55. Dadaxon Sulaymonov.