Ёшлар лигасининг 8-турида «Шўртан» - «Қўқон-1912» ўйини ўтказилди.
Ғузорда “Шўртан” ўринбосарларига қарши майдонга тушган Муҳсин Низомиддинов бошчилигидаги қўқонликлар рақиб билан муроса йўлини танлади.
3-дақиқада мезбонлар дастлабки хавфли вазиятни яратишди. “Шўртан” футболчиси бирга-бир вазиятдан фойдалана олмади. 15-дақиқада Рамзбек Исақов узоқдан кучли зарба йўллади. Бироз юқоридан кетди.
18-дақиқада Юсуф Бўриевнинг зарбасини дарвоза устуни қайтарди. Ҳимоячилар зарба беришга имкон беришди.
31-дақиқада Исмоил Охунжонов меҳмонларни яққол голдан сақлаб қолди. Дарвозабондан ҳам ўтиб кетган тўпни Исмоил дарвоза чизиғидан майдон ташқарисига чиқариб юборди. 37-дақиқада дарвоза тўсини меҳмонларни муқаррар голдан сақлаб қолди. Биринчи бўлим шу ҳисобда интиҳо топди.
Меҳмонлар иккинчи таймни фаол бошлашди. 64-дақиқада ҳужумга отланган Достон Мелиқўзиев ҳимоячилар қуршовида қолиб кетди. Орадан уч дақиқа ўтиб, меҳмонлар кетма-кет хавфли ҳужумлар уюштиришди. Ғузорликлар тўлиқ таркибда ҳимояга ўтиб олди. Иккинчи бўлимда ҳар икки жамоа ҳарчанд уринмасин, рақиб дарвозасини ишғол этиш ҳеч кимга насиб этмади.
Ёшлар лигаси, 8-тур
«Шўртан» – «Қўқон-1912» - 0:0
“Шўртан”: 16.Акмал Раҳимов 4.Мирмуҳсин Сатторов 6.Акром Баҳромов 7.Юсуф Бўриев 8. Шохжахон Маъруфов 9.Ислом Шодмонов 14.Шерзод Темиров 19.Лазиз Убайдуллаев 20.Шахзодбек Хурсанов (С) 23. Нурали Падаров 25.Шамсиддин Сагдуллаев
Захира: 1.Нурбек Бозоров 5.Шербек Эшмуродов 11.Ислом Бойсариев 15. Рустам Ҳайдаров 17.Оғабек Эркинов 18.Баҳром Рўзий 29.Шаҳбоз Жўраев.
"Қўқон-1912": 30. Ислом Абдуллаев 7.Рамзбек Исақов 15. Иброҳим Аҳмаджонов 19.Достон Мелиқўзиев 20. Мўминжон Содиқжонов 25.Исмоил Охунжонов 29.Иқбол маликжонов 70.Бахтиёр Абдубаннонов 75.Маъмур Раҳимов 90.Авазхон Маматхўжаев 99.Шаҳзод Эргашев
Захира: 12.Азиз Ашуров 4.Хасанжон Нурматов 5. Мухсинжон Баратов 9.Иброҳим Усмонов 10. Иброҳим Мухторов 55. Дадахон Сулаймонов.
