«El-klassiko» bo‘lib o‘tganiga deyarli bir hafta bo‘lgan bo‘lsada uning atrofidagi gaplar tinmayapti. Jumladan, «Real»ning sobiq bosh murabbiyi Fabio Kapello mazkur o‘yinda madridliklar sardori Serxio Ramosning maydondan chetlatilishiga munosabat bildirdi.
«Ramosga to‘g‘ridan-to‘g‘ri qizil kartochka berilishi — to‘g‘ri qaror. Messi qay darajada «uchib» ketganini qarang — bu jinoyat!
Har safar «Real» va «Barselona» «Santyago Bernabeu»da to‘qnash kelganida, madridliklarning aksariyat futbolchilari Lionelni «sindirish» payida bo‘ladilar.
Krishtianu Ronaldu ajoyib futbolchi. Biroq Messi - daho. U bajarayotgan ishni tomosha qilsangiz, aql bovar qilmaydi, bir o‘zi jamoani ortidan yetaklaydi.
Krishtianu - yaxshi to‘purar, lekin «Bernabeu»da biz hal qiluvchi ahamiyatga ega bo‘lgan futbolchini ko‘rdik. Messi avval qilmagan ishlarini amalga oshirdi.
