«Эль-классико» бўлиб ўтганига деярли бир ҳафта бўлган бўлсада унинг атрофидаги гаплар тинмаяпти. Жумладан, «Реал»нинг собиқ бош мураббийи Фабио Капелло мазкур ўйинда мадридликлар сардори Серхио Рамоснинг майдондан четлатилишига муносабат билдирди.

«Рамосга тўғридан-тўғри қизил карточка берилиши — тўғри қарор. Месси қай даражада «учиб» кетганини қаранг — бу жиноят!

Ҳар сафар «Реал» ва «Барселона» «Сантьяго Бернабеу»да тўқнаш келганида, мадридликларнинг аксарият футболчилари Лионелни «синдириш» пайида бўладилар.

Криштиану Роналду ажойиб футболчи. Бироқ Месси - даҳо. У бажараётган ишни томоша қилсангиз, ақл бовар қилмайди, бир ўзи жамоани ортидан етаклайди.

Криштиану - яхши тўпурар, лекин «Бернабеу»да биз ҳал қилувчи аҳамиятга эга бўлган футболчини кўрдик. Месси аввал қилмаган ишларини амалга оширди.