Oliy liga 8-turidan o‘rin olgan «Dinamo» - «So‘g‘diyona» (2:2) o‘yinidan so‘ng mehmonlar ustozi Davron Fayziyev o‘z fikrlarini aytdi.

«Bahs qiziqarli bo‘ldi. «Dinamo» hammaga jiddiy qarshilik ko‘rsatyapti, chempionatning haqiqiy kashfiyoti.

«Neftchi» bilan o‘yinda tasodifan yutqazganimizni isbotlashimiz kerakk edi, o‘yinga ruhan va jismonan tayyorgarlik ko‘rgan edik. «Dinamo»ning 2 ta o‘yinini shaxsan o‘zim kuzatdim, o‘rgandim.

Bugun ochiq futbol bo‘ldi, Samarqandga g‘alaba uchun kelgandik. Afsus, ikkinchi o‘yinki 89-daqiqada muhim ochkolarni qo‘ldan boy beryapmiz.

Jizzaxdan kelgan ko‘plab muxlislarga rahmat aytaman. Bugun biz 2 ochko yo‘qotdik. Chunki golli vaziyatlar juda ko‘p bo‘ldi. To‘p yumaloq maydon tekis...

Chempionatimiz bu yil boshqacharoq o‘tyapti, kelishilgan o‘yinlarga qarshi kurash sababli shundaymi? Bu savolingiz provakasion. Kelishilgan o‘yinlar haqida bilmayman. Bilmagan narsam haqida gapirmayman...

Boshqacharoq o‘tishiga sabab, byudjeti kam jamoalar yoshlarga katta e’tibor berayotganida. Mana, Dinamoni oling, Naumov va Bozorovdan boshqa mashhur nom yo‘q. Umuman, nomdor jamoalarning pastdaligiga, xususan, «Paxtakor»ga kelsam, bu jamoa chempionat yakunida baribir kuchli uchlikda bo‘ladi» - dedi Fayziyev.