Angliya chempionatining 35-turi doirasida Shimoliy London derbisi bo‘lib o‘tdi. "Tottenxem" o‘z maydonida "Arsenal"ni qabul qildi va ishonchli g‘alabani qo‘lga kiritdi.

Tomonlar 55 daqiqa davomida tengma-teng o‘yn namoyish qilishdi va darvozalar ishg‘ol qilinmadi. Pochettino shogirdlari ana shu pallada 2 daqiqa ichida "kanonirlar" darvozasini ikki marta ishg‘ol qilishdi. Dastlab Del Alli mezbonlarning hujumini muvaffaqiyatli yakunlagan bo‘lsa, Harri Keyn penaltidan samarali foydalandi.

Ushbu g‘alabadan keyin "Tottenxem" o‘z ochkolarini 77taga yetkazib, deyarli 2-o‘rindan pastga tushmaydigan bo‘ldi. "Arsenal" esa kuchli to‘rtlikka kirish imkoniyatini pasaytirib yubordi.

APL, 35-tur
Tottenxem – Arsenal 2:0 (0:0)
30 aprelya, 20.30, «Uayt Xart Leyn»
Gollar: 1:0 – 55 Alli, 2:0 – 58, penalti Keyn.
Tottenxem – Lyoris, Alderveyreld, Devis, Trippyer (Uoker, 88), Vertongen, Eriksen, Vanyama, Dayer, Alli (Sissoko, 90), Son Xin Min (Dembele, 79), Keyn.
Arsenal – Chex, Kosyelni, Monreal, Gibbs, Gabriel (Belyerin, 75), Remzi, Oksleyd-CHemberlen, O‘zil, Jaka (Uelbek, 65), Sanches, Jiru (Uolkott, 81).
Ogohlantirishlar: Gabriel (70), Keyn (72), Jiru (73), Monreal (76).