Англия чемпионатининг 35-тури доирасида Шимолий Лондон дербиси бўлиб ўтди. "Тоттенхэм" ўз майдонида "Арсенал"ни қабул қилди ва ишончли ғалабани қўлга киритди.

Томонлар 55 дақиқа давомида тенгма-тенг ўйн намойиш қилишди ва дарвозалар ишғол қилинмади. Почеттино шогирдлари ана шу паллада 2 дақиқа ичида "канонирлар" дарвозасини икки марта ишғол қилишди. Дастлаб Дел Алли мезбонларнинг ҳужумини муваффақиятли якунлаган бўлса, Ҳарри Кейн пенальтидан самарали фойдаланди.

Ушбу ғалабадан кейин "Тоттенхэм" ўз очколарини 77тага етказиб, деярли 2-ўриндан пастга тушмайдиган бўлди. "Арсенал" эса кучли тўртликка кириш имкониятини пасайтириб юборди.

АПЛ, 35-тур
Тоттенхэм – Арсенал 2:0 (0:0)
30 апреля, 20.30, «Уайт Харт Лейн»
Голлар: 1:0 – 55 Алли, 2:0 – 58, пенальти Кейн.
Тоттенхэм – Льорис, Алдервейрелд, Дэвис, Триппьер (Уокер, 88), Вертонген, Эриксен, Ваньяма, Дайер, Алли (Сиссоко, 90), Сон Хын Мин (Дембеле, 79), Кейн.
Арсенал – Чех, Косьельни, Монреаль, Гиббс, Габриэл (Бельерин, 75), Рэмзи, Окслейд-Чемберлен, Ўзил, Жака (Уэлбек, 65), Санчес, Жиру (Уолкотт, 81).
Огоҳлантиришлар: Габриэл (70), Кейн (72), Жиру (73), Монреаль (76).