Poytaxtimizda boks bo‘yicha boshlangan Osiyo chempionatida qit’amizning 28 davlatidan 200 nafarga yaqin eng kuchli bokschilar ishtirok etmoqda.
Ko‘pchili boks muxlislari va mutaxassislarini Osiyo chempionatining asosiy yulduzi - Olimpiya o‘yinlari chempioni va Vel Barker kubogi sohibi Hasanboy Do‘smatovning jangi qiziqtirayotgani sir emas.
1 mayga belgilangan janglar soat 12 dan boshladi. Musobaqaning bu qismida Murodjon Ahmadaliyev turkmanistonlik Shodlikmurod Murodov bilan jang o‘tkazadi. Kunduzgi dasturlarda Iqboljon Xoldorov hindistonlik Ashish bilan bellashadi.
Nihoyat, 18:00 da boshlanadigan kechki dasturda birinchi bo‘lib Hasanboy Do‘smatov ringga chiqadi. Chempionlik unvonini himoya qiladigan hamyurtimiz birinchi uchrashuvini Shri-Lanka vakili Pallexa Tivanka bilan kuch sinashadi.
Shuningdek, Isroil Madrimov falastinlik Qosim Abudabaat mahoratini sinovdan o‘tkazsa, Sanjar Tursunov koreyalik Kim Xyongkyuga qarshi ringga ko‘tariladi.
Kecha -52 kg vazn toifasida ringga chiqqan Jasurbek Latipov pokistonlik raqibini mag‘lubiyatga uchratgan edi.
Murodjon Ahmadaliyev - Shadlimurat Maydarov (Turkmaniston) (-56 kg) - 12:00
Iqboljon Xoldorov - Ashish (Hindiston) (-64 kg) - 15:00 dan keyin
Hasanboy Do‘smatov - Txivanka Pallexa (SHri-Lanka) (-49 kg) - 18:00
Isroil Madrimov - Qosim Abduamad (Falastin) (-75 kg) - 20:30 dan keyin
Sanjar Tursunov - Xeong Kyu Kim (Janubiy Koreya) (-91 kg) - 20:45 dan keyin
