Пойтахтимизда бокс бўйича бошланган Осиё чемпионатида қитъамизнинг 28 давлатидан 200 нафарга яқин энг кучли боксчилар иштирок этмоқда.

Кўпчили бокс мухлислари ва мутахассисларини Осиё чемпионатининг асосий юлдузи - Олимпия ўйинлари чемпиони ва Вэл Баркер кубоги соҳиби Ҳасанбой Дўсматовнинг жанги қизиқтираётгани сир эмас.

1 майга белгиланган жанглар соат 12 дан бошлади. Мусобақанинг бу қисмида Муроджон Аҳмадалиев туркманистонлик Шодликмурод Муродов билан жанг ўтказади. Кундузги дастурларда Иқболжон Холдоров ҳиндистонлик Ашиш билан беллашади.

Ниҳоят, 18:00 да бошланадиган кечки дастурда биринчи бўлиб Ҳасанбой Дўсматов рингга чиқади. Чемпионлик унвонини ҳимоя қиладиган ҳамюртимиз биринчи учрашувини Шри-Ланка вакили Паллеха Тиванка билан куч синашади.

Шунингдек, Исроил Мадримов фаластинлик Қосим Абудабаат маҳоратини синовдан ўтказса, Санжар Турсунов кореялик Ким Хёнгкюга қарши рингга кўтарилади.
Кеча -52 кг вазн тоифасида рингга чиққан Жасурбек Латипов покистонлик рақибини мағлубиятга учратган эди.

Муроджон Аҳмадалиев - Шадлимурат Майдаров (Туркманистон) (-56 кг) - 12:00

Иқболжон Холдоров - Ашиш (Ҳиндистон) (-64 кг) - 15:00 дан кейин

Ҳасанбой Дўсматов - Тхиванка Паллеха (Шри-Ланка) (-49 кг) - 18:00

Исроил Мадримов - Қосим Абдуамад (Фаластин) (-75 кг) - 20:30 дан кейин

Санжар Турсунов - Хеонг Кю Ким (Жанубий Корея) (-91 кг) - 20:45 дан кейин