«RB Leypsig» ustozi Ralf Hazenhyuttl Bundesliga 31-turidan o‘rin olgan «Ingolshtadt» (0:0) klubiga qarshi o‘yindan so‘ng norozi ekanini yashirmadi.
Mutaxassis raqib futbolchilarini atayin vaqt cho‘zish uchun mug‘ombirlik qilganlikda aybladi.
«Ikkinchi bo‘limda bor yo‘g‘i 23 daqiqa o‘ynadik. Qolgan vaqt mobaynida futbolchilar maydonda cho‘zilib yotdi. To‘g‘ri, qoidaga ko‘ra, jarohatlangan futbolchiga yordam ko‘rsatish kerak. Ammo bu qoidani o‘zgartirish lozim. Jarohatlangan futbolchini zudlik bilan maydondan olib chiqish kerak. Ko‘ramiz, u 5 daqiqa davomida jamoasining kamchilik bo‘lib o‘ynayotganiga xotirjam qarab turarmikan» - dedi murabbiy.
