«РБ Лейпциг» устози Ральф Ҳазенҳюттл Бундеслига 31-туридан ўрин олган «Ингольштадт» (0:0) клубига қарши ўйиндан сўнг норози эканини яширмади.

Мутахассис рақиб футболчиларини атайин вақт чўзиш учун муғомбирлик қилганликда айблади.

«Иккинчи бўлимда бор йўғи 23 дақиқа ўйнадик. Қолган вақт мобайнида футболчилар майдонда чўзилиб ётди. Тўғри, қоидага кўра, жароҳатланган футболчига ёрдам кўрсатиш керак. Аммо бу қоидани ўзгартириш лозим. Жароҳатланган футболчини зудлик билан майдондан олиб чиқиш керак. Кўрамиз, у 5 дақиқа давомида жамоасининг камчилик бўлиб ўйнаётганига хотиржам қараб турармикан» - деди мураббий.