Joriy yilning 27-30 aprel kunlari Buyuk Britaniyaning Sheffild shahrida paralimpiyaning suzish sport turi bo‘yicha Jaxon seriyasi turkumiga kiruvchi Xalqaro musobaqa bo‘lib o‘tdi. Mazkur musobaqada 45ta davlatdan 575ta sportchi ishtirok etib, ular orasida 6 nafar O‘zbekiston paralimpiya sportchilari ham sovrinli o‘rinlar uchun kuch sinashdilar.
Xamyurtlarimiz ushbu nufuzli xalqaro musobaqada 3ta oltin, 3ta kumush va 3ta bronza, jami 9ta medalga ega chiqishdi. Jumladan Dmitriy Xorlin 200 metrga kompleks suzishda (02:16.14), 400 metrga erkin suzishda (04:11.41) va 100 metrga batterflyay usulida suzishda (00:59.21) 3ta oltin medalga sazovor bo‘ldi. Muzaffar Tursunxo‘jayev 50 metr va 100 metr masofalarga erkin suzishda (00:24.40) va (00:53.70) natijalari bilan 2ta kumush medali soxibi bo‘ldi.
Ayollar o‘rtasida kechgan baxslarda esa xamyurtimiz Shohsanam Toshpo‘latova 50 metrga erkin usulda (00:28.08) natijasi bilan bronza medalini va 200 metrga komleks suzishda (02:26.62) xamda 100 metrga batterflyay usulida (01:05.51) natijalari bilan 2 ta kumush medalini qo‘lga kiritdi. Yana bir qizimiz Fotimaxon Amilova 100 metr brass usulida (01:15.12) natijasi bilan bronza medali sohibasi bo‘ldi.
