.jpg)
No‘’mon Hasanov boshqaruvidagi «Qo‘qon-1912»ning joriy mavsumda qayd etayotgan natijalarini endi hech qanaqasiga tasodifga yo‘yish mumkin emas. Bu adolatga ham to‘g‘ri kelmaydi. Axir vodiyliklar yuqori kayfiyatni bir maromda ushlab, g‘alabani g‘alabaga ulashmoqda.
E’tibor bering, kamtarindek tuyulgan jamoa 1-turdagi mag‘lubiyatdan so‘ng ketma-ket 7ta o‘yinda kamida 1 ochko oldi: 4ta g‘alaba va 3ta durang. Qisqasi, qo‘qonliklar havas qilarli mag‘lubiyatsiz seriyaga yarasha ayni payt turnir jadvalida 2-o‘rinni egallab turishibdi. Mutlaqo haqli ravishda!
No‘’mon Hasanov jamoasi navbatdagi turda «Sho‘rtan» mehmoni bo‘lib, ortga 3:2 ko‘rinishidagi g‘alaba bilan qaytdi. E’tiborli tomoni, bungacha «Paxtakor» va «Lokomotiv» klublari G‘uzorda «Sho‘rtan» oldida ojiz qolgandi. Bevosita o‘yinga to‘xtalsak, qo‘qonliklar ilk hujumdayoq raqib darvozasini nishonga olishdi. Aniqrog‘i, 4-daqiqada oldingi tur qahramoni Suhrob Berdiyev o‘zini ko‘rsatib, joriy chempionat hisobidan urgan gollari sonini 4taga yetkazib qo‘ydi. Shundan so‘ng o‘z maydonida har qanday raqibga dars bera olishini isbotlashga ulgurgan «Sho‘rtan» darhol vaziyatni o‘nglash harakatini boshladi va 22-daqiqada penalti tepish huquqini qo‘lga kiritdi.
Bu vaziyatda serbiyalik Darko Gojkovich qoidaga xilof harakatlandi. 11 mertli nuqtaga yaqinlashgan Eldor Boymatov esa zarba berishda xato qilmadi - 1:1. Keyingi daqiqalar mehmonlar tashabbusi ostida o‘tdi va ular tanaffusga qadar hisobni 3:1 ko‘rinishiga keltirishdi. Avvaliga Filip Rayevas individual mahoratini namoyish etgancha bir necha raqiblarni ortda qoldirib, darvozabonni ham «mulzam» qildi. Birinchi bo‘lim yakunlashi arafasida esa Javohir Siddiqov darvozabon xatosidan unumli foydalandi.
Tanaffusdan keyin Ixtiyor Karimov shogirdlari voqealar rivojini ancha o‘zgartirishdi, garchi qo‘qonliklar
