“Manchester Yunayted” klubi ayni paytda futbolchilar yetishmovchiligi muammosiga uchramoqda. Jumladan, Markos Roxo, Kris Smolling, Fil Jons, Lyuk Shou, Erik Bayi va Zlatan Ibragimovichlar jarohat olib, mavsum yakuniga qadar safdan chiqishgan.
Klub bosh murabbiyi Joze Mourinyo ushbu holat haqida o‘z fikrlarini bildirib o‘tdi.
“Agar “Selta”ni mag‘lub eta olsak, Yevropa Ligasi finali 24 may kuni bo‘lib o‘tadi. Finalga uch kun qolganida bizni “Kristal Pelas” bilan jiddiy uchrashuv kutib turibdi. Balki Niki Battning 23-yoshli futbolchilardan tuzilgan tarkibidan yordam olib turarman”, - deydi Mourinyo.
