“Манчестер Юнайтед” клуби айни пайтда футболчилар етишмовчилиги муаммосига учрамоқда. Жумладан, Маркос Рохо, Крис Смоллинг, Фил Жонс, Люк Шоу, Эрик Байи ва Златан Ибрагимовичлар жароҳат олиб, мавсум якунига қадар сафдан чиқишган.
Клуб бош мураббийи Жозе Моуриньо ушбу ҳолат ҳақида ўз фикрларини билдириб ўтди.
“Агар “Сельта”ни мағлуб эта олсак, Европа Лигаси финали 24 май куни бўлиб ўтади. Финалга уч кун қолганида бизни “Кристал Пэлас” билан жиддий учрашув кутиб турибди. Балки Ники Баттнинг 23-ёшли футболчилардан тузилган таркибидан ёрдам олиб турарман”, - дейди Моуриньо.