«Torino»da ijara kelishuvi bo‘yicha o‘ynayotgan «Manchester Siti» darvozaboni Jo Xart «MYU» safini to‘ldirishga qarshi emas. Harqalay, The Independent nashri xabariga qaraganda, Xart Manchesterga qaytishdan umidvor.
U 2006 yili «Shrusberi Taun»dan «Siti»ga o‘tgan paytiyoq doimiy yashash uchun shahardan uy sotib olgan. Darvozabonning ijara shartnomasi shu yilning 30 iyunida o‘z kuchini yo‘qotadi. «Torino» avvalroq kelishuv muddatini uzaytirish borasida «Manchester Siti»ga murojaat qilgandi.
Biroq angliyaliklar Xartni faqat to‘liq sotishga rozi bo‘lishlarini aytib, taklifni rad etishgan. Hozirda uning transferi chamasi 17,5 million funt sterlingga baholanmoqda.
