«Торино»да ижара келишуви бўйича ўйнаётган «Манчестер Сити» дарвозабони Жо Харт «МЮ» сафини тўлдиришга қарши эмас. Ҳарқалай, The Independent нашри хабарига қараганда, Харт Манчестерга қайтишдан умидвор.
У 2006 йили «Шрусбери Таун»дан «Сити»га ўтган пайтиёқ доимий яшаш учун шаҳардан уй сотиб олган. Дарвозабоннинг ижара шартномаси шу йилнинг 30 июнида ўз кучини йўқотади. «Торино» аввалроқ келишув муддатини узайтириш борасида «Манчестер Сити»га мурожаат қилганди.
Бироқ англияликлар Хартни фақат тўлиқ сотишга рози бўлишларини айтиб, таклифни рад этишган. Ҳозирда унинг трансфери чамаси 17,5 миллион фунт стерлингга баҳоланмоқда.
