«Navbahor»ning muxlislar orasida o‘tkazilgan so‘rovnoma yakunlariga ko‘ra, aprel oyidagi eng yaxshi futbolchi aniqlandi.
133 muxlis ishtirok etgan so‘rovnomada markaziy himoyachi G‘iyosjon Komilov 40 foiz (53 ta) ovoz to‘plab, birinchi o‘rinni qo‘lga kiritdi. Yarim himoyachi Oybek Qilichev esa 24 foiz (32) ovoz bilan ikkinchi bo‘ldi. Kuchli uchlikni darvozabon Asilbek Amanov 14 foiz (18) ovoz bilan yakunladi. 23 yoshli darvozabon ketma-ket to‘rtta "quruq o‘yin" o‘tkazgan chempionatdagi yagona futbolchi bo‘lib turganini qo‘shimcha qilish lozim.
Eslatib o‘tamiz, aprel oyida "lochinlar" "Mash’al" va "Sho‘rtan" ustidan 1:0 hisobida g‘alaba qozonib, "Metallurg" bilan durang (0:0) qayd etishdi va "Paxtakor" maydonida imkoniyatni boy berishdi.
