2016/17-yillar mavsumi ham o‘z poyoniga yetib bormoqda. O‘tgan hafta "Volfsburg" ustidan qozonilgan g‘alaba "Bavariya"ni muddatidan avval mamlakat chempioniga aylantirdi. Myuxenliklar buyog‘iga qolgan turlarni rasmiyatchilik uchun o‘tkazib qo‘yishadi.
"Mavsumning qolgan qismidan zavq olmoqchimiz. Oldida o‘z maydonimizda o‘tadigan yana ikkita o‘yin bor. Bu o‘yinlarda muxlislarimizga shou uyushtirib berishga harakat qilamiz.
"Leypsig"ga qarshi o‘yinda esa, Germaniyaning birinchi raqamli jamoasi ekanligimizni ko‘rsatib qo‘yyamiz" - deydi Myuller.
