Kuni-kecha Ramon Monchi «Roma» sport direktori sifatida rasman tanishtirildi. Ispaniyalik mutaxassis ilk ish kunida jamoa bosh murabbiyi bilan bog‘liq savollarga ham to‘xtalib o‘tdi.
«Roma» rahbariyati meni bu yerga taklif qilishganda, jiddiy o‘yladim va «Sevilya»dan ketish men uchun oson bo‘lgani yo‘q.
Bu yerda menga yana bir plyus tomoni bor edi – Spalletidek murabbiy bilan hamkorlikda ishlash. U o‘z joyida qolishiga umid qilaman va buni juda istardim. Spaletti bu jamoada ish boshlashimga sabab bo‘lgan omillardan biri va uning bu yerda qolishi uchun qo‘limdan kelgan har ishni qilaman.
Lekin hozir bu narsa haqida o‘ylaydigan vaqt emas. Oldinda jamoani hal qiluvchi o‘yinlar kutmoqda. Umuman, mavsumning eng tig‘iz paytiga yetib keldik» - deydi Monchi.
