Shanba kuni “Qo‘qon-1912” jamoasi Oliy liga 9-tur doirasida o‘z maydonida Toshkentning “Paxtakor” klubini qabul qiladi. Ushbu o‘yinga doir statistik ma’lumotlar bilan tanishing
O‘zaro o‘yinlar
“Paxtakor” va “Qo‘qon-1912” oliy ligada shu kunga qadar 22 marta to‘qnash kelishgan. Toshkent klubi 13 marta g‘olib bo‘lgan, 4 ta o‘yinda durang qayd etilgan. Qo‘qonliklar hisobida 5 ta g‘alaba mavjud. To‘plar nisbatida ham “Paxtakor” oldinda – 64:34. O‘zaro o‘yinlarda “Paxtakor” 43, “Qo‘qon-1912” 19 ochkoni qo‘lga kiritgan.
O‘tgan yil ikkinchi davrda Qo‘qonda 1:1 hisobi qayd etilgan.
Qo‘qonda o‘tgan so‘nggi besh uchrashuv:
08.08.2016 «Qo‘qon-1912» – «Paxtakor» 1:1
05.07.2015 «Qo‘qon-1912» – «Paxtakor» 2:2
02.11.2003 «Qo‘qon-1912» – «Paxtakor» 3:2
04.06.2002 «Qo‘qon-1912» – «Paxtakor» 1:3
21.05.2000 «Qo‘qon-1912» – «Paxtakor» 2:1
13.04.1999 «Qo‘qon-1912» – «Paxtakor» 3:2
O‘zaro o‘yinlar haqida fakt: Bu jamoalarning Qo‘qonda o‘tgan o‘yinlarida jamoamiz 4 bor zafar quchgan. To‘rtta bahsda g‘olib nomini aniqlashning imkoni bo‘lmagan. Qo‘qonda o‘tgan oxirgi 8 ta o‘yinda kamida 3 tadan gol urilgan.
O‘yin hakamlari
6 may kuni Qo‘qonda bo‘lib o‘tadigan “Qo‘qon-1912” – “Paxtakor” jamoalari o‘rtasidagi uchrashuvini Rustam Bobomurodov boshchiligidagi hakamlar brigadasi boshqarib boradigan bo‘lishdi.
Eslatib o‘tish joizki, ushbu hakam o‘tgan mavsumda jamoamiz ishtirokidagi bitta uchrashuvda ishlagan.
Oliy liga
9-tur
«Qo‘qon-1912» (Qo‘qon) – «Paxtakor» (Toshkent)
Hakamlar: R. Bobomurodov (Navoiy), R. Fozilov (Namangan), M. Majidov (Namangan), D. Jalimov (Toshkent vil.)
Nazoratchi: A. Xotamov (Toshkent).
O‘zPFL vakili: A. Frolov.
Boshlanish vaqtlari
Shanba kuni Qo‘qondagi “Markaziy” o‘yingohda o‘tkaziladigan uchrashuv soat 17:00da boshlanishi belgilangan. 5 may kuni esa ushbu jamoalarning o‘rinbosarlari o‘rtasidagi o‘yin bo‘lib o‘tadi. Ushbu bahs 16:00da boshlanadi.
