Oliy liganing 9-turida "Paxtakor" Qo‘qonga safar qiladi.

Mavsumni muvaffaqiyatli o‘tkazayotgan "Qo‘qon-1912"ga qarshi bellashuv keskin kechishi tabiiy. Qo‘qonlarga sobiq murabbiyimiz No‘’mon Hasanov boshchilik qilmoqda. Jamoalar tarkibida o‘yinni diskvalifikasiya sababli o‘tkazib yuboradigan futbolchilar yo‘q.

Chempionatlar tarixida jamoalar 22 marta to‘qnash kelishgan. Ularda "Paxtakor" 13 g‘alaba, 4 durang va 5 mag‘lubiyatni qayd etgan. Qo‘qondagi uchrashuvlarda mezbonlar 4 g‘alabaga erishgan bo‘lsa, "sherlar" hisobida 3 yutuq mavjud. 4 bellashuvda durang kuzatilgan. Jamoamiz 64 to‘p kiritib, darvozasidan 34 gol o‘tkazib yuborgan.

Uchrashuvda Rustam Bobomurodov boshchiligidagi hakamlar guruhi ishlaydi.

"QO‘QON-1912" - "PAXTAKOR"
Hakamlar: Rustam Bobomurodov (Navoiy), Rasul Fozilov (Namangan), Mo‘min Majidov (Namangan), Dauletboy Jalimov (Toshkent viloyati).
Nazoratchi: Arslon Hotamov (Toshkent).
PFL vakili: Aleksey Frolov.

Yoshlar tarkiblari o‘yini 5 may, juma kuni soat 16:00da boshlanadi. Asosiy jamoalar uchrashuvi 6 may, shanba kuni 17:00da Qo‘qondagi "Markaziy" stadionda start oladi.