“Yuventus” va “Monako” klublarining sobiq murabbiyi Klaudio Ranyeri Yevropa Chempionlar ligasi yarim final bahsidan so‘ng o‘z fikrlari bilan o‘rtoqlashdi.

“Men ayni paytda Monakoda istiqomat qilyabman va kechqurun “Lui II” stadioniga bordim. Uchrashuv men uchun kuchli hissiyotga to‘la bo‘ldi, zeroki men har ikki jamoani boshqarganman. Hozirda ular umuman boshqa o‘yin uslubida harakat qilishadi.

“Yuventus” asosiy urg‘uni taktik bilim, qat’iyat, xatosiz o‘yin va tajribaga qaratgan holda o‘yin namoyish etmoqda, ahir ular 2015 yil finalda o‘ynashgan. “Monako”ning ustunligi yosh o‘yinchilarning o‘zini erkin his etib o‘yin sur’atini keskin o‘zgartira olishidadir.

Shanba kuni “Monako”ni o‘z maydonida “Tuluza”dan ustun kelganini tomosha qildim. Ochig‘i ular meni hayratga solishdi. “Yuventus” yarim finalda favorit bo‘lib qoladi. Agar hammasi rejadagiday bo‘lsa “Yuventus” olg‘a qadam tashlaydi va asosan tajriba evaziga buning uddasidan chiqa oladi. Musobaqaning bu bosqichida tajriba muhim ahamiyat kasb etadi. O‘ylashimcha “Yuventus” finalda o‘ynaydi” – deydi Ranyeri.