Fransiyaning L~Equipe nashri zamonamizning eng yaxshi murabbiylari ro‘yxatini e’lon qildi. Reytingni tuzishda nashrning 33 nafar jurnalisti ovozi inobatga olindi. Demak, so‘rov yakunlariga ko‘ra, ro‘yxatning 1-pog‘onasi «Manchester Siti» ustozi Xosep Gvardiolaga nasib qildi. Keyingi o‘rinlarda tegishlicha «Chelsi» ustozi Antonio Konte va «Atletiko» bosh murabbiyi Diyego Simeone qayd etildi.
Eng yaxshi 10 nafar murabbiy (L~Equipe talqini)
1. Xosep Gvardiola («Manchester Siti»)
2. Antonio Konte («Chelsi»)
3. Diyego Simeone («Atletiko»)
4. Karlo Anchelotti («Bavariya»)
5. Joze Mourinyo («Manchester Yunayted»)
6. Massimiliano Allegri («Yuventus»)
7. Yoaxim Lyov (Germaniya terma jamoasi)
8. Zayniddin Zidan («Real»)
9. Leonardu Jardim («Monako»)
10. Yurgen Klopp («Liverpul»)
Italiyaning Corriere dello Sport gazetasi ham o‘z talqinidagi eng yaxshi murabbiyni aniqladi. Farqli tomoni, italyanlar so‘rovida Yevropaning yetakchi 20ta nashri jurnalistlari ishtirok etishdi. E’tiborlisi, bu reytingning kuchli uchligi italiyalik mutaxassislardan ortmadi - Massimiliano Allegri («Yuventus»), Antonio Konte («Chelsi») va Karlo Anchelotti («Bavariya»). Shartga ko‘ra, har bir ishtirokchi-jurnalist o‘z talqinidagi eng kuchli 10 nafar murabbiyni tartib raqami bo‘yicha ko‘rsatdi. Unda 1-o‘ringa qo‘yilgan murabbiy hisobiga 10 ball yozildi, 2-o‘rin egasiga 9 ball va hokazo. Umuman, ovoz berish jarayonida Corriere dello Sport, The Times, L~Equipe, Mediaset, Sky, Tuttosport, Rai Sport, Guerin Sportivo, La Repubblica, Corriere della Sera, Bild, BeIN SPORTS nashrlari vakillari ishtirok etishdi.
Eng yaxshi 10 nafar murabbiy (Corriere dello Sport talqini)
