«Real» hujumchisi Alvaro Morata o‘tmishdagi o‘yinlarni eslab, jamoasi oldida qarzdor ekanini aytdi.
Chempionlar ligasining 2014/15 mavsumida Morata «Yuventus» tarkibida har ikkala o‘yinda «Real»ga (2:1, 1:1) gol urib, madridliklarni musobaqadan chiqib ketishiga sabab bo‘lgan edi.
«O‘shanda taqdir bizni ro‘baro‘ keltirgan edi. Men bundan ancha hayajonlandim. Biroq har ikkala o‘yinda ham gol urdim. Bu gollarni boshqa jamoa darvozasiga urish uchun ko‘p narsadan voz kechgan bo‘lardim. Men «Real» va «Santyago Bernabeu»dan qarzdorman. Chempionlar ligasida g‘alaba qozonish – har bir futbolchining orzusi. Shuning uchun ham boshqacha yo‘l tutishga haqqim yo‘q edi», – dedi Morata.
