«Реал» ҳужумчиси Альваро Мората ўтмишдаги ўйинларни эслаб, жамоаси олдида қарздор эканини айтди.

Чемпионлар лигасининг 2014/15 мавсумида Мората «Ювентус» таркибида ҳар иккала ўйинда «Реал»га (2:1, 1:1) гол уриб, мадридликларни мусобақадан чиқиб кетишига сабаб бўлган эди.

«Ўшанда тақдир бизни рўбарў келтирган эди. Мен бундан анча ҳаяжонландим. Бироқ ҳар иккала ўйинда ҳам гол урдим. Бу голларни бошқа жамоа дарвозасига уриш учун кўп нарсадан воз кечган бўлардим. Мен «Реал» ва «Сантьяго Бернабеу»дан қарздорман. Чемпионлар лигасида ғалаба қозониш – ҳар бир футболчининг орзуси. Шунинг учун ҳам бошқача йўл тутишга ҳаққим йўқ эди», – деди Мората.