Bugun "Buxoro" jamoasi o‘z muxlislari bilan navbatdagi uchrashuvni tashkil etdi. Klub qarorgohida tashkillashtirilgan yig‘ilishda jamoa murabbiylari va futbolchilari muxlislar bilan muloqot qilishdi. Ancha pozitiv ruhda kechgan suhbat chog‘ida muxlislar o‘zlari qiziqtirgan savollarga javob olishdi. Xususan, jamoaning ikkinchi davrada yanada ijobiy natijalarga erishishi uchun bugundan ishlar olib borilmoqdami, tarkibni kuchaytirish va jamoaga yangi futbolchilarni taklif qilish masalasi ko‘rib chiqilmoqdami yoki yo‘qmi degan savollarga javob olishdi.
Yuqoridagi savollarga bosh murabbiy Ulug‘bek Baqoyev javob berar ekan, u quyidagicha fikr bildirdi: “Albatta ikkinchi davrada ham munosib ishtirok etishni maqsad qilganmiz. Birinchi davradagi natijalarga qarab, ikkinchi davra uchun seleksiya ishlari olib boriladi”-deb aytdi Baqoyev.
Bir soatcha davom etgan muloqot so‘ngida “Buxoro” futbolchilari va muxlislar ertaga boks bo‘yicha Osiyo chempionatining yarim final raundida ishtirok etuvchi o‘zbek bokschilariga omad tilashdi va videomurojaat yuborishdi.
Ushbu videoni MANA BU link orqali tomosha qiling
