«Real» hujumchisi Alvaro Morata «Real» klubida debyut qilgan mavsumida yuz bergan voqeani esga oldi.
«Real» tarkibidagi ilk mashg‘ulotlarimdan biri edi. Kasilyas menga: «Seni Mister chaqiryapti, gaplashib olmoqchi» - deb qoldi.
Asosiy tarkibga kiritilsam kerak deb o‘yladim va hayajonlanib Mourinyoning kabinetiga kirdim. «Nimadir yuz berdimi, chaqiribsiz?» - dedim.
Joze hayron bo‘lib: «Nima?» - dedi.
«Men bilan gaplashib olmoqchimisiz?» - deb so‘radim.
Shunda Joze: «Qorangni o‘chir yigitcha» - deb, meni haydab yubordi.
Hayron bo‘lib qaytib kelsam, jamoadoshlarim ustimdan kulib yotishibdi. Men esa bu gapga ishonib, laqqa tushgan ekanman» - dedi Morata Marca xabarida.
