«Реал» ҳужумчиси Альваро Мората «Реал» клубида дебют қилган мавсумида юз берган воқеани эсга олди.

«Реал» таркибидаги илк машғулотларимдан бири эди. Касильяс менга: «Сени Мистер чақиряпти, гаплашиб олмоқчи» - деб қолди.

Асосий таркибга киритилсам керак деб ўйладим ва ҳаяжонланиб Моуриньонинг кабинетига кирдим. «Нимадир юз бердими, чақирибсиз?» - дедим.

Жозе ҳайрон бўлиб: «Нима?» - деди.

«Мен билан гаплашиб олмоқчимисиз?» - деб сўрадим.

Шунда Жозе: «Қорангни ўчир йигитча» - деб, мени ҳайдаб юборди.

Ҳайрон бўлиб қайтиб келсам, жамоадошларим устимдан кулиб ётишибди. Мен эса бу гапга ишониб, лаққа тушган эканман» - деди Мората Marca хабарида.