Aleksandr Mochinov bosh murabbiyligidagi O‘zbekiston U-18 yoshlar terma jamoasi Gruziya U-18 yoshlarini ikkinchi o‘rtoqlik o‘yinida 4:1 hisobida mag‘lub etdi.

Avvalroq xabar berilganidek, O‘zbekiston U-18 yoshlar terma jamoasi Gruziyada yig‘inda ishtirok etmoqda. Mazkur yig‘in davomida Aleksandr Mochinov jamoasi Gruziya yoshlariga qarshi ikkita o‘rtoqlik uchrashuvida maydonga tushishlari rejalashtirilgan edi. Terma jamoalarning dastlabki uchrashuvida Gruziya U-18 terma jamoasi 4:2 hisobida g‘alaba qozongan edi. Ikkala terma jamoaning navbatdagi uchrashuvida esa O‘zbekiston yoshlari raqibini 4:1 hisobida mag‘lub etdi.

Eslatib o‘tamiz, mazkur o‘rtoqlik o‘yinlari O‘zbekiston U-18 terma jamoasi uchun 2018 yili bo‘lib o‘tadigan U-19 Osiyo chempionati saralash bosqichiga tayyorgarlik vazifasini o‘taydi. Saralash bosqichi uchrashuvlari shu yilning 31 oktyabr – 8 noyabr kunlari o‘tkaziladi.

O‘rtoqlik uchrashuvi
Tbisili, Gruziya
4 may.
Gruziya U-18 – O‘zbekiston U-18 – 1:4
Gollar: I. Kenjaboyev, B. Asqarov, K. Saidazimov (penalti), J. Abdusalomov.