Александр Мочинов бош мураббийлигидаги Ўзбекистон U-18 ёшлар терма жамоаси Грузия U-18 ёшларини иккинчи ўртоқлик ўйинида 4:1 ҳисобида мағлуб этди.

Аввалроқ хабар берилганидек, Ўзбекистон U-18 ёшлар терма жамоаси Грузияда йиғинда иштирок этмоқда. Мазкур йиғин давомида Александр Мочинов жамоаси Грузия ёшларига қарши иккита ўртоқлик учрашувида майдонга тушишлари режалаштирилган эди. Терма жамоаларнинг дастлабки учрашувида Грузия U-18 терма жамоаси 4:2 ҳисобида ғалаба қозонган эди. Иккала терма жамоанинг навбатдаги учрашувида эса Ўзбекистон ёшлари рақибини 4:1 ҳисобида мағлуб этди.

Эслатиб ўтамиз, мазкур ўртоқлик ўйинлари Ўзбекистон U-18 терма жамоаси учун 2018 йили бўлиб ўтадиган U-19 Осиё чемпионати саралаш босқичига тайёргарлик вазифасини ўтайди. Саралаш босқичи учрашувлари шу йилнинг 31 октябрь – 8 ноябрь кунлари ўтказилади.

Ўртоқлик учрашуви
Тбисили, Грузия
4 май.
Грузия U-18 – Ўзбекистон U-18 – 1:4
Голлар: И. Кенжабоев, Б. Асқаров, К. Саидазимов (пенальти), Ж. Абдусаломов.