«Spartak» klubining germaniyalik markaziy himoyachisi Serdar Taski g‘alati va’dasi bilan hammani hayron qoldirgandi.
Futbolchi fevral oyida bergan intervyusida, agar jamoasi chempionlikni qo‘lga kiritsa, Germaniyagacha piyoda yurib borishga so‘z bergandi.
Kecha «Spartak» 16 yillik tanaffusdan so‘ng, Rossiya chempioni bo‘ldi. Shundan so‘ng, Taskiga va’dasi haqida eslatilganda, u o‘z so‘zining ustidan chiqishini tasdiqladi.
Eslatib o‘tamiz, Moskvadan Germaniyagacha bo‘lgan masofa 1800 kilometrni tashkil qiladi.
