Plyaj futboli bo‘yicha Eron terma jamoasi jahon chempionatida katta yutuqlarga erishdi.
Bahama orollarida o‘tkazilgan mundialda forslar uchinchi o‘rin uchun bahsda Italiya terma jamoasini 5:3 hisobida mag‘lubiyatga uchratib, bronza medallarni qo‘lga kiritishdi.
Eronlik futbolchi Muhammad Ahmadzoda 9ta gol bilan musobaqa to‘purarlari bahsida 3-o‘rinni egalladi. Bundan tashqari, musobaqaning eng yaxshi futbolchisi sifatida «Oltin to‘p» sovriniga ham ega bo‘ldi. Forslar darvozaboni Paymon Husayniy esa «Oltin qo‘lqop» sovriniga munosib ko‘rildi.
Musobaqa finalida Taiti termasini 6:0 hisobida mag‘lub etgan Braziliya oltin medallarni qo‘lga kiritdi.
Eslatib o‘tamiz, O‘zbekiston plyaj futboli terma jamoasi mart oyida o‘tkazilgan saralash o‘yinlarida ishtirok etishdan bosh tortib, mundialdan chetda qolgan edi.
