Пляж футболи бўйича Эрон терма жамоаси жаҳон чемпионатида катта ютуқларга эришди.
Баҳама оролларида ўтказилган мундиалда форслар учинчи ўрин учун баҳсда Италия терма жамоасини 5:3 ҳисобида мағлубиятга учратиб, бронза медалларни қўлга киритишди.
Эронлик футболчи Муҳаммад Аҳмадзода 9та гол билан мусобақа тўпурарлари баҳсида 3-ўринни эгаллади. Бундан ташқари, мусобақанинг энг яхши футболчиси сифатида «Олтин тўп» совринига ҳам эга бўлди. Форслар дарвозабони Паймон Ҳусайний эса «Олтин қўлқоп» совринига муносиб кўрилди.
Мусобақа финалида Таити термасини 6:0 ҳисобида мағлуб этган Бразилия олтин медалларни қўлга киритди.
Эслатиб ўтамиз, Ўзбекистон пляж футболи терма жамоаси март ойида ўтказилган саралаш ўйинларида иштирок этишдан бош тортиб, мундиалдан четда қолган эди.
