Madridning "Real" jamoasi bosh murabbiyi Zayniddin Zidan YECHL yarimfinalidan o‘rin olgan "Atletiko"ga qarshi uchrashuv oldidan o‘z fikrlarini aytdi.

“Butun mavsum davomida namoyish etgan o‘yinimiz kabi harakat qilishimiz lozim. Futbolchilar maydonda bor kuchini berishlari kerak, boshqa hech narsa emas. "Real" finalga chiqishi uchun ideal futbol namoyish etishi lozim.

Biz hammamiz bitta qayiqdamiz, muxlislar ham biz bilan bo‘ladi. Har bir o‘yin biz uchun xuddi finaldek, ertaga ham shunday. Biz "Atletiko"ni yutdik, biroq ertaga boshqacha o‘yin bo‘ladi, u o‘yin o‘tmishda qoldi. Ularning o‘z quroli bor, bizning esa o‘z qurolimiz. "Real" to‘ydan oldin nog‘ora qoqmasligi lozim.

"Atletiko" bizni to‘xtatishga harakat qiladi, biz birinchi o‘yindagidek boshlashni istaymiz. Hech narsa o‘zgarmaydi. Biz o‘sha g‘oyada qat’iy turibmiz” – dedi Zidan.