Angliya chempionatining 26-turi doirasida bo‘lib o‘tishi kerak bo‘lib bo‘lgan, ammo qoldirilgan uchrashuvlardan biri bugun o‘tkazildi.

"Sautgempton" mehmoni bo‘lgan "Arsenal" g‘alaba qozonishga muvaffaq bo‘ldi. Ikkinchi bo‘limda Aleksis Sanches va Olivye Jiru tomonidan kiritilgan to‘plar "kanonirlar"ga g‘alaba keltirdi.

Ushbu g‘alabadan keyin Venger jamoasi o‘z ochkolarini 66taga yetkazib, jadvalda 5-o‘ringa ko‘tarilib oldi. "Arsenal"da 4-o‘rin uchun kurashish imkoniyati mavjud, ammo barcha narsa jamoa ixtiyorida emas.

APL, 26-turning qoldirilgan o‘yini
Sautgempton – Arsenal 0:2 (0:0, 0:2)
10 may, 23.45, «Sent-Meris»
Gollar: 0:1 – 60 Sanches, 0:2 – 83 Jiru.
Sautgempton – Forster, Stivens, Bertran, Soaresh, Yosida, Tadich (Rodriges, 80), Devis, Redmond (Long, 70), Uord-Prouz (Bufal, 70), Gabbyadini, Romeu.
Arsenal – Chex, Mustafi, Monreal, Gibbs, Xolding, Jaka, Oksleyd-CHemberlen (Belyerin, 36), O‘zil (Koklen, 89), Remzi, Sanches, Uelbek (Jiru, 80).
Ogohlantirishlar: Uord-Prouz (44), Ozil (73), Belyerin (90).