«Barselona» hujumchisi Neymar bosh murabbiy yordamchisi Xuan Karlos Unsue bilan aytishib qolgan.
Mashg‘ulotlardan birida Unsue futbolchiga tanbeh berib, e’tiborini ishga qaratishni tavsiya qilgan va Ronaldinyodan o‘rnak olishga chaqirgan. Bu esa Neymarga yoqmagan va jamoani tark etish bilan tahdid qilgan.
Mundo Deportivo xabariga ko‘ra, Neymar jahl bilan: «Agar Unsue «Barselona»da qolsa, klubni tark etaman» - deb baqirgan.
Ispaniya matbuoti xabariga ko‘ra, ayni paytda Unsue kataloniyaliklar bosh murabbiyi bo‘lish uchun asosiy da’vogar hisoblanmoqda.
