«Chelsi» xo‘jayini Roman Abramovich jamoasi APL chempionligini qo‘lga kiritsa, futbolchilarini katta miqdorda mukofotlashi ma’lum bo‘ldi.

The Times xabariga ko‘ra, barcha futbolchilarga umumiy miqdorda 5 mln funt mukofot puli ajratilgan. Bu pullar futbolchilar orasida mavsum davomida o‘ynagan daqiqasiga mos ravishda taqsimlanadi. Mukofot jamg‘armasining 10 foizi maydonga tushmagan bo‘lsa-da, zaxira futbolchilariga bo‘lib beriladi. Hisob-kitobga ko‘ra, «Chelsi»ning har bir futbolchisi o‘rtacha 217 ming funt miqdorida mukofot puli oladi.