Oliy liga 10-tur uchrashuvlari doirasida “Navbahor” o‘z maydonida “Qo‘qon-1912” jamoasini qabul qildi.
Murosasiz kurashlarga boy va hujumkor ruhda o‘tgan bellashuvda g‘olib aniqlanmadi.
Ilk daqiqalardan ikki jamoa futbolchilari to‘pga egalik qilish va maydonda har bir qarich yer uchun egalik bo‘lish maqsadida shiddatli futbol namoyish etishdi. Taym o‘rtalariga kelib “Navbahor”ning tashkil etgan bosimi o‘z samarasini keltirdi. Oybek Qilichev jarima to‘pini o‘yinga kiritgach, “Qo‘qon-1912” jarima maydonida yuzaga kelgan pala-partishlikdan Nemanya Yovanovich unumli foydalanib, hisobni ochdi. Tanaffusga jamoalar shu hisobda yo‘l olishdi.
Ikkinchi bo‘lim ham xuddi birinchisi kabi keskin vaziyatlarga boy, ko‘plab qarama-qarshi hujumlar ostida o‘tdi. 67- daqiqada Mehmonovning qanotdan oshirgani to‘pini Otaxonov darvozaga to‘g‘irlay olmadi. Abbosga bu vaziyatda biroz omad yetishmadi. O‘yingohga yig‘ilgan muxlislar so‘nggi daqiqalargacha “Navbahor”ning g‘alabasiga umid qilib turishgandi. Ammo bosh hakam 87-daqiqada Javohir Siddiqovni Abbos Otaxonov o‘z jarima maydonida qo‘pollik ishlatib to‘xtatdi deb hisobladi va penalti belgiladi. Uni amalga oshirgan Murod Xolmuhammedov mo‘ljalda adashmadi. Shunday qilib “Vodiy derbisi”da jamoalar durangga imzo chekishidi.
Oliy liga, 10-tur
12 may. Namangan. “Markaziy” o‘yingoh. 20220 tomoshabin.
“Navbahor” – “Qo‘qon-1912” – 1:1 (1:0).
Gollar: N. Yovanovich (23) – M. Xolmuhammedov (90 pen)
Hakamlar: V. Kovalenko – 8,7, M. Saidqosimov – 8,6, A. Sapenko – 8,4, J. Muxtorov - 8.
Nazoratchi – S. Ermatov.
PFL vakili – A. Inoyatov.
“Navbahor”: 30. Asilbek Amanov, 2. Alisher Samatov, 4. Abbos Otaxonov, 5. G‘iyosjon Komilov (44. Darko Stanoyevich, 7), 7. Oybek Qilichev (11. Abduaziz Sultonov, 81), 9. Dilshod Jabborov, 19. Mirzohid G‘ofurov, 21. A’zam Aliyev, 32. Jahongir Mehmonov, 77. Azizbek Turg‘unboyev, 84. Nemanya Yovanovich (8. Ravshan Xursanov, 65).
“Qo‘qon-1912”: 12. Aziz Ashurov, 4. Bahodir Akramov, 5. Jalil Kimsanov, 9. Nosir Otaqo‘ziyev (8. Sobir Hamidov, 75), 10. Javohir Siddiqov, 19. Suhrob Berdiyev (11. Andrey Sidorov, 46), 23. Aleksandr Merzlyakov, 24. Ibrohim Rahimov (7. Jamshid Hasanov, 46), 55. Darko Gojkovich, 77. Murod Xolmuhammedov, 99. Filip Rayevas.
Ogohlantirishlar: A. Aliyev (37), A. Samatov (54), M. G‘ofurov (59), A. Turg‘unboyev (67), D. Jabborov (89) – D. Gojkovich (25), A. Merzlyakov (90+3).
