Madridning “Real” jamoasi Braziliyaning “Flamengo” klubi yarim himoyachisi Vinisius transferi bo‘yicha davom etayotgan muzokaralarni yakunlashni rejalashtirmoqda. Globoesporte nashrining xabariga, ko‘ra Vinisiusning “Flamengo” bilan tuzgan amaldagi shartnomasi 2019 yilga qadar davom etadi. Ammo “Flamengo” futbolchi bilan 2022 yilga qadar bo‘lgan yangi shartnoma imzolamoqchi. Ma’lum bo‘lishicha, Braziliya klubi shu yo‘l bilan futbolchining transfer qiymatini oshirmoqchi.

“Real” shundoq ham futbolchi transferi uchun “Flamengo” hisob raqamiga 45 million yevro o‘tkazib bermoqchi, shuningdek, har xil mukofot pullari bilan ushbu miqdor 61 million yevroga oshirilishi mumkin.