Мадриднинг “Реал” жамоаси Бразилиянинг “Фламенго” клуби ярим ҳимоячиси Винисиус трансфери бўйича давом этаётган музокараларни якунлашни режалаштирмоқда. Globoesporte нашрининг хабарига, кўра Винисиуснинг “Фламенго” билан тузган амалдаги шартномаси 2019 йилга қадар давом этади. Аммо “Фламенго” футболчи билан 2022 йилга қадар бўлган янги шартнома имзоламоқчи. Маълум бўлишича, Бразилия клуби шу йўл билан футболчининг трансфер қийматини оширмоқчи.
“Реал” шундоқ ҳам футболчи трансфери учун “Фламенго” ҳисоб рақамига 45 миллион евро ўтказиб бермоқчи, шунингдек, ҳар хил мукофот пуллари билан ушбу миқдор 61 миллион еврога оширилиши мумкин.
