Oliy liga 10-turidan o‘rin olgan “Metallurg” – “So‘g‘diyona” (3:1) uchrashuvidan keyin mehmonlar ustozi o‘z fikrini aytdi.

Davron Fayziyev, “So‘g‘diyona” FK bosh murabbiyi: "Bugun Bekobodga tarkibimizda bir qator yo‘qotishlar bilan kelgandik. Ikki nafar markaziy himoyachimiz diskvalifikasiya tufayli maydonga tusha olmadi. Bundan tashqari yetakchilarimiz Mamadaliyev va Rashidovlarning jarohat bois bizga yordam bera olishmadi. Birinchi bo‘limdagi ikkita standart vaziyat barchasini hal qildi. Ikkinchi taymda biz harakat qildik, hisobni minimal darajada qisqartirishga ham erishdik. Ammo mag‘lubiyatdan qutila olmadik. Nima ham derdik, hayot davom etadi. Bugun yosh futbolchilarga ishonch bildirgandik. Ular hozircha to‘la ishonchni oqlay olishmadi. Bugungi o‘yin uchun mening qo‘l ostimda 13 nafar sog‘ futbolchi bor edi. Bu bahona yoki boshqa narsa emas. Shunchaki bor vaziyatni aytayapman. Barcha muammolar yig‘ilib yakunda bizga qimmatga tushdi", - dedi Fayziyev.