Олий лига 10-туридан ўрин олган “Металлург” – “Сўғдиёна” (3:1) учрашувидан кейин меҳмонлар устози ўз фикрини айтди.

Даврон Файзиев, “Сўғдиёна” ФК бош мураббийи: "Бугун Бекободга таркибимизда бир қатор йўқотишлар билан келгандик. Икки нафар марказий ҳимоячимиз дисквалификация туфайли майдонга туша олмади. Бундан ташқари етакчиларимиз Мамадалиев ва Рашидовларнинг жароҳат боис бизга ёрдам бера олишмади. Биринчи бўлимдаги иккита стандарт вазият барчасини ҳал қилди. Иккинчи таймда биз ҳаракат қилдик, ҳисобни минимал даражада қисқартиришга ҳам эришдик. Аммо мағлубиятдан қутила олмадик. Нима ҳам дердик, ҳаёт давом этади. Бугун ёш футболчиларга ишонч билдиргандик. Улар ҳозирча тўла ишончни оқлай олишмади. Бугунги ўйин учун менинг қўл остимда 13 нафар соғ футболчи бор эди. Бу баҳона ёки бошқа нарса эмас. Шунчаки бор вазиятни айтаяпман. Барча муаммолар йиғилиб якунда бизга қимматга тушди", - деди Файзиев.